كتب – محرر الأقباط متحدون أ. م
قال الكاتب والباحث مؤمن سلام، أن البعض يعتقد أننا عنصريين ولكن ليس لدينا مشكلة مع اللون وهذا غير صحيح بالمرة، فنحن نحمل رؤية عنصرية لأصحاب البشرة السمراء وننظر لهم نظرة دونية، وخلونا نضرب مثال بالمصريين النوبيين.
وتابع سلام في تدوينة عبر حسابه بالفيسبوك، في ثقافتنا هم بوابيين مش أكتر من كده، أه طيبين بس بوابيين، إسألوا أى نوبي أو نوبية عانوا أد ايه وهما في المدرسة من سخرية زمايلهم اللى متربيين في بيوت بترضعهم العنصرية، شوفوا رجاء الجداوي وهى حاطه عادل امام على حجرها وبتغنيلة يا سودة يا كوده يا حوق الهباب في مسرحية الواد سيد الشغال، اقروا كلام كاهن دولة يوليو حسنين هيكل عن أسرة السادات في كتابة المقزز خريف الغضب كلام بينقط عنصرية.
وأختتم سلام قائلاً: أخيرًا كل واحد يسأل نفسه أو نفسها لو بنتها حبت واحد نوبي هل هتوافقوا على العلاقة والجواز؟ ولو ابنك حب واحدة نوبية وعايز يتجوزها موقفكم هيكون ايه؟
