معلش ياسيدنا

(نيافه انبا رافائيل
محمود ابو اليزيد
او سيدنا مثلما تعلمنا من كنيستنا الوطنيه المصريه
عذرا انبا روفائيل فمازال بيننا الجهلاء
فمازال بيننا من لا يعرف حجم تلك الكنيسه العظيمه منذ نشائتها والي دهر الدهور
عارف ياسيدنا الفكره في ايه؟؟؟

الفكره أننا بقينا نتدخل في حياه بعض بطريقه غريبه قد تصل لهذا الهراء الذي حدث من جريده المفترض أنها جريده مصريه كبيره
انا بس عاوز افهم يعني مفيش فهم خالص كدا
ياشيخ انت وهو راجعوا كام يوم كدا قبل اللي حصل ده هتلاقوا شباب مصريين كانوا في دوله افريقيه جاين يشكروا البابا علي موقفه تجاههم
هي دي شكرا مثلا اللي بتقولها ياحضره الصحفي المحترم

طب سيبنا من دي
هو حضرتك سايب الوباء اللي انتشر في بلادنا وفي العالم
ومسكت في مسأله عقيديه مسيحيه لادخل لسيادتكم فيها
وكل ده ليه عشان تجيب عدد قراء كتير
اي الهبل اللي وصلناله ده

هو حضرتك ليه ممسكتش في ردود أفعال الناس علي الشيخ اللي قال اللهم ارحم موتانا جميعا ومقالش حد معين
لا والعجيب انك حاطط مين جنب مين
يعني حتي في الصوره نفسها تحط الانبا رافائيل وانت تعلم من هو الانبا رافائيل بوزنه وثقله في الكنيسه والوطن وأنه كان مرشح للبابويه
واحده جنب واحد ارهابي يابجحتك ياشيخ
السؤال اللي بسأله هو مش المفروض أن الأستاذ الفاضل كاتب المقال ده متخصص ولا اي واحد كدا يعمل فرقعه وهبل وخلاص
بجد الوحد مستغرب جدا انت مكنتش في وعيك وانت بتكتب

والجريده مكنتش مراقبه الكلام ده قبل ماينزل
انا مش مسؤل ولا حاجه انا مواطن بسيط ولسه طالب بس بجد مندهش بص يابني هقولك كلمتين حسبي الله ونعم الوكيل
رسالتي بقا للانبا رافائيل وانا اتشرف اني كنت صديق له علي الفيسبوك قبل قرار غلق حسابات الرهبان وكان فعلا جدير أن الراجل ده يتقاله ياسيدنا بحكمته وبعلمه وبانسانيته

الكبيره جدا اللي لحظتها انا شخصيا في كلامي معاه اللي مكنش كتير بس فعلا كان حكيم جدا
انبا رافائيل فعلا اسفين جدا أن مازال للجهلاء مكان بيننا الي الان واسفين أنهم ميعرفوش مكانتك واسفين أنهم بيتدخلوا في حاجات لاتبرر أنها حريه رأي )
اتمني في حياتي اننا نحارب جهل فقر فساد

مش نحارب بعض
مش نتهم بعض مش ندعي أنفسنا والباقي لا مش نترحم علي نفسنا والباقي لا كفايانا ياجماعه
اتعظوا من اللي بيحصل كل يوم
حضرتك لو أصيبت بكورونا مبتبقاش عارف اللي بيعالجك دينه اي اشمعنا بقا وما بتخرج بتدعي لنفسك بس
اللهم ارحمنا جميعا وارحم موتانا جميعا واشفينا جميعا

،مره تانيه بقدملك اعتزاري انبا روفائيل
وانا مجرد طالب لست مسؤلا لكني عارف مكانتك كويس واعرف تاريخ تلك الكنيسه العظيمه التي علمتنا كمصريين أنها والأزهر هما جناحا السلام في وطننا وزي ما مش هقبل تجريح لفضيله الامام مش هقبل تجريح لاي رمز من رموز كنيستنا الوطنيه