رومــــــآني القناوي
اول مره ياابويا تغلق الكنيسه
ومسمعش رنات الاجراس
وحشني صلاه القداس
والتناول من الاسرار
كان نفسي ارجع بس الخطيه
كانت محوطاني بسوار
كنت بعيد عن الكنيسه سنين
كنت عايش وسط الاشرار
نفسي اتناول يابويا
طعم الخطيه في حلقي مرار
جات كورونا صحتني رجعتني
لحضن ابويا لاكون في وسط الابرار
نفسي اعترف زي زمان
واتناول من الاسرار
قبل ما يفوت الاوان
ولاقي نفسي وسط اتون النار
واندم علي السنين اللي اكلها الجراد
واندم علي الاختيار
صدقني يا ابويا انا مش زعلان
كورونا مش عقاب لا كورونا ده اختبار
انت ابويا مش هترضي ليا بالهلاك
انت من اجلي حملت صليب العار
اصلي انا ابنك مش هتقبل
يلقوني في اتون النار
ايوه انت ابني وعلشانك
حملت صليب العار
دمي كافي يا ابني يمسح الخطيه
ويمسح من حلقك المرار
تعالي يابني ادخل فرح سيدك
لتكون من الابرار
انت ابني وانا ابوك عارفك
هترجع وانا في الانتظار
بس ترجع قبل ما يفوت الاوان
شكرا يا ابويا علي الحوار
✒رومــــــآني القناوي 👌
