بقلم/ ماري موريس
تصدقوا فعلا الجملة دي طلعت صح أوي
انت مش انت وانت جعان "حب"
انت مش انت وانت جعان "اهتمام"
انت مش انت وانت جعان "للمة الصحاب"
انت مش انت وانت جعان "للتقدير"
انت مش انت وانت جعان "لله"
لما بنحصس اننا جعانين أبسط حاجة نعملها هي اننا نجري ندور علي اللي يسد الاحتياج الفظيع ده .. فندور علي اي حاجة ناكلها نسد بيها الوجع اللي في البطن اللي الواحد حاسس بيه ده ...
ولما الجووع يشد علينا أكتر ممكن بقي ناااكل أي حاجة وأول حاجة تيجي قصادنا حتي لو نوع أكل مابتحبوش في العموم .... بس أنت دلوقتي مش انت "لما بتكون في حالتك الطبيبعية " ..... انت دلوقتي جعااااااااااااااان وده ممكن يخليك تاكل أي حاجة قداامك من غير فحص أو تفكيير
طب ايه رأيك في الجووع للحب !!
ايه رأيك في الجووع للاهتمام والتقديييير !!!
طب ايه رأيك لما يشد عليه الاحتياج ويلح أكتر وأكتررر
هتعمل نفس السلووك وتقعد تدور وتقلب يمين وشماال عشان تاخد حاجة تسد بيها جووعك ربما تقبل ايذذاء من شخص عشان سد جزء من جوعك للحب "زيفا" ..
ربما تقبل وجودك مع ناااس مش منك .. ومش زيك .. ومش شبهك .. وتقبل استغلالهم ... بس لأنهم بيسدوا جزء من جوعك "للمة" لقعدة الصحاب ..
اذا كنا نحن البالغين نعاني من ضغط الجووع بالشكل ده ... وبيخلينا بني ادمين تانيين غير شخصياتنا الحقيقية ... تفتكروووا ولادنا لما يمروا ويحسوا بالجوع ده نلومهم ازاااااااااااااي ؟؟؟؟.
نقطة ومن أول السطر
مش مهمتنا نشبع ولادنا باحسن أكل وأنضف شرب
مهمتنا نشبع جوعهم لينااا ... جوعهم لحبنا .... جوعهم لقبولنا ليهم زي ماهم .... جوعهم لأحضاننا ... جوعهم بوقت اللعب اللي نقضيه معاهم .....
من الاخر كده ... لو لاقيت ابنك مش هو .. اعرف انه جعان !!!!!!
زي مانت مش انت وانت جعااااان !!!
