كتير مننا شبه هيثم أحمد ذكي

طبقك المليان جعان ..ميه عطشك  ملح ذايب على باب مقفول ..مش مطمن وعطشان ..

 

  .أصحاب  وناس كتير  بتروح عليك  وبتيجي  ..تضحك وتشاور وتحلم ..ولا حد سمع صوتك ولا حس سكوتك ولا دمعة محشورة في نن عينك   وتمثل انك مبسوط  وانت مش فرحان ..

 

  وترجع  وحدك .. مسافر  تعبان ..تدور ف السكة  على حد تكلمه ف تكلم نفسك ..دا مش جنان ..دا انت يادوب مغتطي بالسقعة ..متونس بالوحدة  وظلك ملازمك .. سابقك  ووراك وجنبك ..  بتشتكي ليه  يامحظوظ بالغربة  أنك بردان ..!

 

 واللي يوجع انك الوحيد اللي عارف ومتأكد انك بجد من شجرة  مقطوع   ومن زمان ..وبتمشي لاحس ليك ولاخبر .. وانك  مش اكتر من صورة  شبهك  يمكن حد يفتكر  ويعلقها  على اي حيطة م الحيطان ..ومسيرها ف يوم  يدوب خيطها وتقع ..  ونبقى مجرد حكاية  بعيدة  ..كان يامكان ..

 

  كتير مننا  شبه الأحمد ذكي'>هيثم أحمد ذكي  .