أجرى الإعلامي جابر القرموطي حوارا تخيليا عبر الأقمار الصناعية مع فيروس كورونا المستجد، خلال حلقة برنامجه «الكلام على إيه» المعروض على فضائية «الحياة».
وظهر شخص جسَّد «كورونا» قائلًا: «أقسم بالله ده كلام سوشيال ميديا، أنا مظلوم في الليلة دي، إنتوا في مصر بتهولوا المواضيع، والعالم كله كوم ومصر لوحدها كوم تاني».
أضاف متسائلًا: «يعني أبقى فيروس وقاعد في حالي وألاقي الناس بتتهمني في رسالة واتساب على جروب الماميز؟ طب إنتي الواد عندك عنده رشح وحرارة وبرد عادي تلبسيها لي أنا ليه وتقولي إني جتله؟ أنا أتهزأ كده في بلدكم وتركبوني المرجيحة وهاتك يا قلش وتقولوا اتنين مالهمش أمان الكورونا والإخوان».
تابع قائلًا: «تقلق من إيه يا عم؟! واحد قاعد في الشرابية طول عمره وآخره بيجيب سوبيا من عم حمدي ولا اختلط مع حد جاي من سفر ولا باس حد عنده كورونا يتهمني أنا ليه لو جاله حبة برد؟».
