كتب - محرر الأقباط متحدون ن.ي
أعرب الفنان عمرو محمود ياسين، عن دعمه للاعب الأهلي عمرو السولية، بعد التعليقات المسيئة على صورة ابنته.
وكتب "ياسين"، عبر حسابه على موقع التواصل الاجتماعي "فيسبوك": "تخيلوا بنت عمرو السوليه طالعه معاه في صور. فا الردود اللي بتتقال له من نوعية بنتك مكنه صيني. بنتك وتكه .. الخ الخ ... ملحوظه ابنة عمرو السوليه عمرها ٣ سنوات ونصف ...!!! ايه يا جماعه المجتمع المريض اللي احنا فيه ده ايه المصيبه اللي احنا فيها دي!!! لازم الدوله تتحرك وتجيب الناس دي والله .. لازم ننضف".
وفي وقت سابق، أعلن عمرو السولية، لاعب النادى الأهلى، أنه سيتقدم ببلاغات ضد من كتبوا تعليقات مسيئة لابنته الصغيرة، بعد نشر صورتها معه.
وكتب "السولية"، عبر حسابه على "إنستجرام": "ليلى بنتي عندها 3 سنين ونص، ولسة قالعة البامبرز من كام شهر، الكلام ده بيتقال على طفلة!! إية اللي يخلي (بني آدم) خنزير ممكن يبص على لبس طفلة، ويركز غير إنه فعلا خنزير، إية المرض ده".
وشدد لاعب النادي الأهلي، على أنه قرر التقدم ببلاغات ضدهم، "عشان اللي زي دول مينفعوش يكبروا وسطنا، وقررت أحمي بناتي اللي لسة مشافوش الدنيا، وللأسف خايف عليهم يشوفوا كمية القرف دي".
