كتبت – أماني موسى
أشار الرئيس السيسي إلى أن محافظة القاهرة أنفقت 280 مليار جنيه في 6 سنوات لتحسين حياة الناس في القاهرة، من حيث تمهيد الطرق ورفع كفاءة البنية التحتية وخلافه لاستيعاب الناس الموجودة بها.
وأضاف بقوله، لو قارننا هذا الكلام وكان تم عمل عاصمة جديدة من 20 أو 30 سنة كانت هذه الاستثمارات ستتوجه لأمور أخرى تفيد المواطن.
وتابع، إحنا كمصريين لازم نبقى عارفين كويس، لأن لما جينا خدنا قرار وأنشأنا المدن الجديدة، في ناس اعترضت وقالت أنتوا بتعملوا الكلام دة ليه، وكأنه ترف ورفاهية وكأنه أمر مش مطلوب، وهو ناسي أني بصرف جوة القاهرة عشان أحسن حياته مليارات لشق طرق وبناء كباري، وهذه المبالغ ضخمة جدًا.
مشيرًا إلى قرارات وقف البناء وذلك ليس عنوة وإكراهًا في الناس، لكن لأن القاهرة ومحافظات كثيرة لا بد أن يتم مراجعة الكثافة السكانية بها عشان الناس تقدر تعيش فيها بشكل مناسب وهو الحد الأدنى.
وشدد، هناك أماكن في القاهرة لن يصدر لها تراخيص بناء تاني خلاص، وحتى اللي هيصدر لها تراخيص هيبقوا دورين بس حتى لو تراخيصهم السابقة بتقول أنه 7 أدوار، والموضوع ليس عنوة ولكن لحل المسألة، وهذه القرارات تأخرت 20 سنة، والجراجات الغير مستخدمة الكلام دة مش هيحصل تاني، الجراج اللي مش هيشتغل هناخده وهيطلع بيها قرارات نزع ملكية لاستيعاب السيارات.
وشدد الرئيس، الموضوع مسألة أمن قومي ومنحنا الناس فرصة ليستوعبوا لكن هناك خطر حقيقي علينا.
