حرصاً على سلامة صحة الكلاب، وتقوية جهازها المناعى فى عصر وباء فيروس كورونا، قدمت عيادة بيطرية فى مدينة الشيخ زايد، وجبات طعام بيتى، مُعدة بطريقة صحية وآمنة، تساعد فى تحفيز الجهاز المناعى للكلاب لمقاومة أى فيروسات.
دينا أحمد، صاحبة العيادة، تجهز هذه الوجبات بنفسها وتبيعها داخل علب معقمة ونظيفة: «لاحظت إن الناس اللى بتربى حيوانات بقيت خايفة تنزل أو تشترى لهم أكل من بره زى الأول، وبقوا مهتمين يعملوا أكل فى البيت فقررت أعمله وأبيعه معقم ومغلف»، الوجبات عبارة عن أجنحة فراخ مسلوقة وخضار سوتيه، وبطاطس مهروسة بالخضار ولحمة، وأسعارها تتراوح بين 20 و25 جنيهاً، وتوفر خدمة الديليفرى مجاناً، حتى لا يضطر أصحاب الأليف للخروج من المنزل، فى ظل ذروة انتشار الفيروس.
بدأت «دينا» فى تصنيع وتجهيز هذه الوجبات منذ يومين، وحرصت على نشرها على موقع التواصل الاجتماعى، لمساعدة الباحثين عن طعام بيتى وصحى لأليفها: «الكلاب زيها زينا جهازها المناعى ممكن يتأثر ويضعف من الأكل غير الصحى أو الفاست فوود، والفترة دى محتاجة إن الكل يشتغل على جهازه المناعى، وده هيكون عن طريق الأكل الصحى اللى بيبقى معمول ببخار أو درجة حرارة معينة هيبقى مناسب لها».
لاقت هذه الفكرة قبولاً واستحساناً من أصحاب الأليف.
