ايهاب رشدى 
قدم الدكتور مجدى اسحق أستاذ المشورة والطب النفسى لقرائه مجموعة من المعلومات والنصائح عن فيروس كورونا ، فقال أنه يهاجم فقط الجهاز التنفسي السفلى LRT و علشان يعمل كده ، بيهاجم الجهاز التنفسي العلوي URT و يمسك في الحلق و ينشفه (لانه بيتركز في المخاط و يتحامي فيه) و يعمل الأعراض الأولي من حرقان و كحة ناشفة .. كده هو يستخبي في الحلق استعدادا للنزول للرئتين..
 
و الكلام ده بيقعد من ٣ الي ٥ أيام..
و تابع " اسحق " قائلا .. أفضل و أبسط حل إنك تغرغر بماء و عليه قليل من الملح (كوب ماء دافي و شوية ملح حوالي نص ملعقة شاي علي الأقل مرة واحدة في اليوم ) لنطرد الفيروس للخارج ..
 
أو تشرب سوائل دافية كتير (اي سوائل تحبها من شاي، ينسون ، نعناع .. علي الأقل ٣ مرات في اليوم ) علشان تاخد الفيروس للمعدة و هناك المعدة بتقتله تماما و تقضي عليه بنسبة ١٠٠ % 
 
وعن نسب الاصابة بفيروس كورونا ونسب الشفاء منه قال " اسحق " أن  ٨١ % أصلا ما بيحسوش بأي أعراض حتي لو الفيروس دخل ما بيعملش حاجة ، بس بيخش و مناعتنا بتموته تمام ..
 
كمان ١٤ % بيجيلهم أعراض الكحة و الحرارة و حرقان الزور و بس ؛ و بيخفوا من غير اي حاجة تانية ..
و حوالي ٢ % بيحتاجوا مستشفي ، و برضه بيخفوا تماما ..
 
و حوالي الـ ٣ % الباقيين المعرضين للخطر هما اللي مناعتهم مش كويسة خالص من الاصل لسبب أمراض أخري سابقة .. (في ايطاليا بالذات النسبة زيادة شويتين ، لأن نسبة المسنين عالية جدا ، و الاهم انهم استهتروا بالوقاية و النظافة و لم يلتزموا بتعليمات العزل من الأول ، عكس الصين اللي أخدت الموضوع جد و عدت الأزمة ) ..
 
وأكد الدكتور مجدى اسحق على ضرورة عمل  الغرغرة و شرب السوائل حتي و احنا طبيعيين لمنع انتشار الفيروس لأنه ممكن ييجي في ناس ما بتشتكيش ، و يقعد في زورهم و يتنقل منهم لغيرهم ( و ده بيسموه العدوي الطيارة ، يعني يتنقل من واحد سليم ما بيشتكيش لواحد جنبه) ، وفى الآخر نكمل غسل لليد و الوجه ، و لا نخرج إلا للضرورة ، و ياريت بلاش اصلا الاسبوع ده ؛ و نلبس الكمامة لو بنختلط بناس كتير ..
 
كده الفيروس سوف يتحجم و يحصل لنا زي الصين ، ان انتشاره يقف و الناس تبتدي تخرج ، و الغمة تنزاح ..
 
و ختم " اسحق " كلامه بقوله " ربنا قبل كل شيء هو الشافي العافي، الساتر علينا جميعا ..اوعي تخافوا .. الشمس سوف تشرق اقرب مما تتخيلوا ..