ريموندا رؤوف 
كل الاطفال بيجيلها وقت تغضب وممكن تعيط وممكن تصرخ.
دى اوقات كلنا بنمر بيها 
اهم حاجه فى الوقت ده
 
1_متتكسفش من وجود ناس حواليك بل بالعكس استقبل الغضب بهدوء جدا
عشان لو الطفل شعر انك بتتحرج من الناس هيستغل ده فى الضغط عليك بعد كده.
 وكمان حط ف بالك ان احنا كلنا بنمر بالموقف ده مفيش داعى للكسوف اصلا 
 
2_متزعقلوش كرد فعل عشان هيعرف أن دى نقطه ضعفك وكمان هيوصله رساله أن الزعيق فى وقت الغضب عادى .
 
3_لو الحاجه اللى بيعيط عليها ممكن اوافق اديهاله
أقوله اطلب الحاجه بهدوء وانا هديهالك .
 
4_ لو متفقين اننا مش هنعمل ده 
أقوله انا حاسه بيك انك متضايق 
بس احنا متفقين على كده 
عايز تعيط انا جمبك لحد ما تهدى بس مش هنرجع ف اتفاقنا
عشان يتعلم أن الاتفاقات مش هترجع فيها وف نفس الوقت بنحترم مشاعره 
 
#تربيه_By_Remonda_Rauof
 
#remonda_rauof