تداول رواد موقع التواصل الاجتماعي «فيس بوك»، صورا لحيوان شكله يشبه الكلب قالوا إنها لـ«سلعوه»، تتجول في شوارع قرية «اسطنها»، التابعة لمحافظة المنوفية وسط تحذيرات للمواطنين وتنبيههم بضرورة الحفاظ على أطفالهم ومنعهم من الخروج.
وقال «محمد مصطفي عبدالمجيد»، موظف بإحدى الشركات الخاصة إنه التقط صورا لحيوان لا يشبه الكلب أو الذئب: «دا مش كلب أنا عارف كل أشكال الكلاب ومش حيوان بري دا شكل غريب أول مرة أشوفه علشان كده طلعت الموبايل من جيبي وقررت أوثق اللحظة دي وأول ما شفتني مشيت في هدوء».
ورجح في تصريحات لـ«الوطن»، أن تكون «سلعوة»: «ملهاش شعر في جسمها ولونها أسود وودانها شكلها غريب وديلها كمان، بحثت علي الإنترنت لقيت الصورة دي شبه السلعوه بس دي صغيرة شوية في الحجم».
ولفت إلى أنه نشر الصور على صفحته لتحذير الأهالي وحثهم على أخذ احتياطاتهم ومنع أطفالهم من الخروج لحين التأكد من رحيلها على القرية أو مطاردتها حتى لا تتسبب في إصابة أي من أهالي القرية: «نشرت الصور دي علشان الأهالي ياخدو بالهم، خاصة وإن فيه ناس تانيه شافت الحيوان الغريب ده في شوارع القرية، فقولت أنشر علشان محدش يحصله حاجه وممكن المسؤولين في الطب البيطري يعرفوا شكل الحيوان كويس ويتأكدوا هل هوه سلعوه ولا لأ ويتعاملوا معاه».
ولفت إلى أن الأهالي احتاطوا منذ نشر الصور مطالبا المسئولين في المحافظة والطب البيطري بضرورة التعامل مع هذا الحيوان حتى لا يتسبب في إصاية أي من أبناء القرية، وجدد تحذيره للآباء بمنع أطفالهم من مغادرة المنزل لحين التأكد من استقرار الأمر.
