كتب – محرر الاقباط متحدون
علق الفنان كريم قاسم على قرار إزالة مشاتل بالمعادي لتنفيذ مشروع كوبري خطة "محور الجزائر" التي أعلن عنها وزير النقل والمواصلات كامل الوزير قبل شهر .
وقال قاسم في مقطع فيديو :" شارع 250 في المعادي اللي فيه كل المشاتل لازم يتم إخلاءه خلال 48 ساعة، ولسة بسأل صاحب مشتل قالي : ادونا فرصة لحد بعد العيد وهيبدوا يبنوا الكوبري.
مضيفا :" طبعا أنا فاهم أهمية الكباري والطرق للحد من الازدحام بس فعلا حاجة حزينة جدا جدا ان من احلى شوارع المعادي واهم شارع في المعادي هيختفي ويفقد كل الزرع دا.
لافتا :" شايف الناس جاية تشتري زرع قبل ما المحلات تقفل ومحلات كتير عارضة بنص التمن، ويمكن الفيديو اللي بصوره دا يؤرخ حاجة كانت موجودة .
وتساءل قاسم :" هل في حد من المسؤولين فكر او عمل أي دراسة لها علاقة بتأثير الكوبري على الشكل الجمالي للمعادي؟!.
