كتبت - أماني موسى
أعلنت مدونة الموضة والإعلامية أسما شريف منير، عدم نشر صور خاصة تظهر من خلالها بملابس وصفتها بـ المكشوفة.
ملابس مكشوفة وشيطاني بيغلبني!
وقالت عبر «إنستجرام»: «مسحت الصورة اللي فاتت وقلت أنزل دي، بس عشان ساعات شيطاني بيغلبني زي باقي البشر وساعات بحس بالذات بعد ما خسيت أني عايزة ألبس لبس حلو وبناتي كده وأفرح أني بقى شكله حلو عليا بس الصح صح مش هقاوح».
انجرفت ورا الدنيا اللي مش باقية
وأضافت: «أنا أصلاً مش بحب ألبس لبس مكشوف في العادي بس انجرفت ورا الدنيا اللي مش باقية، فهقاوم الإحساس ده وهركز مع نفسي وفي لبسي أكتر، وهحاول أنقي لبس يكون معتدل وحلو عشان أشجع نفسي والبنات اللي متابعني إنهم يلبسوا لبس حلو في نفس الوقت مش مفتوح، مش عيب أن الواحد يعترف بغلطه وطول الوقت يحاول إنه يبقى أحسن، وبشكر المتابعين اللي لفتوا نظري بطريقة ذوق».
واختتمت: «كل سنة وأنتم طيبين وحبايبي ودعمي، ربنا يفرح قلبنا كلنا ويهدينا بحبكم».
ولدت أسما شريف منير في 26 نوفمبر 1987، وهي ممثلة وإعلامية والابنة الكبرى للفنان شريف منير من زوجته الأولى ناهد.
إنتاج أغنية بالإنجليزية
تخرجت في الأكاديمية العربية للعلوم والتكنولوجيا والنقل البحري، لكنها تعمل كمدونة تحب التجميل والأزياء وتقدم العديد من الفيديوهات على مواقع التواصل الاجتماعي بها نصائح في هذا المجال.
تحب أسما الغناء والموسيقى وقامت بإنتاج أول أغنية لها باللغة الإنجليزية بعنوان Un Flod Me Eyes.
زواجها من السكري وطلاق سريع
تزوجت أسما عام 2010 من رجل الأعمال محمود السكري نجل اللواء محمد السكري، وخالته هي الفنانة نجلاء فتحي، شهد حفل زفافهما حضورًا كبيرًا من النجوم، ثم رُزقا بابنتهما الوحيدة لارا، ولكن لم يستمر زواج أسما شريف منير من محمود السكري طويلا، إذ قررا الانفصال في هدوء.
طلاق بهدوء ودون مشاكل أو محاكم
قال والدها الفنان شريف منير في أحد اللقاءات التليفزيونية السابقة: "فوجئت بتحضر زوج ابنتي وقت طلاقهما، وجدته متفهمًا للغاية ولم تقع أي مشاكل".
كما كشفت أسما شريف منير عن تفاصيل الطلاق، قائلة: "في أصدقاء مينفعوش يبقوا أزواج، أخدنا قرار خطأ وحدثت مشاكل بيننا، ولذلك قررنا الانفصال بعد زواج 5 سنوات، خاصة بعد ازدياد المشاكل، وقبل الطلاق أخرجنا أسوأ ما فينا، لكن بعد تدخل الأهل تم حل الأزمة، ووقع الطلاق في هدوء دون اللجوء للمحاكم".
محمود حجازي.. زواج وطلاق
وفي عام 2018 تزوجت من الفنان محمود حجازي ولكنهما سرعان ما انفصلا أيضًا ولم يفصح أيًا منهما عن تفاصيل الأمر، وفضلا إعلان الانفصال بهدوء وتمني التوفيق لكل طرف بحياته.
«أسما شريف منير» للمطلقات: «ألعبي رياضة واشتغلي واتجوزي تاني
في أحد منشوراتها وجهت مجموعة نصائح للمطلقات، قالت فيها: «اقول لأي ست بتعدي بنفس الموقف انا بعمل ايه حالياً. اولاً لقيت أن أحسن حاجة أني اترمي بين إيد ربنا، وارضي بقسمتي ونصيبي.. اللهم لا اعتراض. بس في نفس الوقت لن استسلم، ومهمي حصل الدنيا هتكمل.. حتي لو أنا وقفت الدنيا هتفضل تدور، محدش هيسيب حياته عشان حد، لازم اشوف اكل عيشي، عشان عندي مسؤليات، واولهم بنتي، والست اللي بتيجي تساعدني في البيت، حتي كلابي وقططتي وغيرهم».
الارتباط في الحلال أحسن من الحرام اللي في الخفاء
وأضافت «كل حاجة جوه دماغنا ممكن نتحكم فيها، الزعل مش هيتمسح.. بس فجأة هتنسي، وهتقاومى زعلك، لازم ندي نفسنا وقتنا في الزعل.. بس يكون جواك ميزان صغير يفوقك عشان الاكتئاب ممكن يقتل صاحبه. ولأخر نفس في عمري مش هفقد الأمل في الحب ولا اللمة ودفي العيلة الصغيرة اللي بحلم بيها، رغم أن في ناس هتقول خلاص بقي عيشي لبنتك، وخلاص بقي مرتين كفاية اوي كده، اه بقي دي مزواجة أو دي أكيد العيب فيها، أياً كان الناس هتسميني ايه ده حقي وحلال ربنا».
وأكدت أن الارتباط في الحلال أفضل من أي فعل غير أخلاقي يحدث في الخفاء، لذا نصحت كل مطلقة ألا تشغل بالها بكلام الناس، وأن تتمسك بحقها في الزواج إذا تقدم لها ابن الحلال، مشددة على أن حق المرأة في الزواج ليس مشروطًا بعدد مرات زواجها وطلاقها، «طالما حلال و ربنا موافق، محدش له حق ولا كلام الناس يفرق، بدل ما تغضبي ربنا في المداري اعملي الصح، ده ستر وحقك مش بالعدد خالص».
