ياسمين عبد العزيز عن مقاضاة الطبيب المتسبب فى أزمتها الصحية: أنا مش مؤذية

 

 وتستضيف الإعلامية منى الشاذلى فى لقاء حصرى، النجمة ياسمين عبد العزيز التى تظهر للمرة الأولى بعد أزمتها الصحية مع زوجها النجم أحمد العوضى فى حلقتى الأربعاء والخميس 8 و9 ديسمبر.

 

وروت ياسمين عبد العزيز فى الجزء الأول من اللقاء لأول مرة عن تفاصيل محنتها الصحية، وكيف ساءت حالتها الصحية نتيجة خطأ طبى بعد خضوعها لجراحة نسائية، حيث وصفت شعورها فى ذلك التوقيت بإقتراب محقق من الموت من شدة الألم، كما روت ياسمين بالتفصيل كيف تطورت حالتها حتى وصلت إلى هذه الحالة، وعن أسباب عدم مقاضاتها للطاقم الطبى الذى تسبب فى وصولها لهذه الحالة حتى الآن.

 

وقالت: "الناس فى الشارع بتقولى لازم ترفعى قضية والدكتور اللى غلط لازم يتعاقب على اللى عمله، وأنا تعبانة قلت هارفع قضية، بس فكرت وقلت هو اللى ولدنى فى بنتى ياسمين، وقلت ربنا سترها معايا، وأكيد أن بعد ما ربنا نجانى هاروح ارفع قضية لأن أكيد ربنا عمل ده لسبب، وقلت ممكن الوجع اللى مريت بيه ده يبقى حسنات، وأنا مش مؤذية لأنه أكيد مش قاصد أنه يأذينى، بس الحمد لله ربنا كتبلى عمر جديد".

 

وأضافت: "فيه حاجات كتير سخيفة حصلت خلال مرضى، طلقونى، وطلعوا عليا شائعات وأن أنا عملت عملية تجميل، وكمان موتونى، وعايزة اسأل سؤال هل الناس دى ماكنتش بتفكر فى ربنا وهم بيقولوا عليا كده، وهل كل ده علشان المشاهدات الزيادة، وفى الآخر اكتشفت إنك إنت فعلا مش ملك نفسك".