ابراهيم سعد حنين حنا
منذ ايام قليله انتهت مسابقة مبادره مواهب مصريه لعام 2021 / 2022 وحصل المتسابق بيتر هاني علي المركز الثاني " ترانيم فردي " في ادائه ترنيمه تراث " اني لرافع عيني " وحصل علي الميداليه الفضيه ودرع المركز الثاني وجائزه ماليه قدرها 15,000 الف جنيهاً كما عبر ايضاً بيتر هاني عن مدي سعادته بفوزه بالمركز الثاني بمنشور علي صفحه السوشيال ميديا الخاصه به " عارف احساس الخوف من حاجه معينه وان خلاص بقي عندك حلم جديد وهدف لازم توصله وتحققه ومش فاضل وقت كتير !!؟ وتقعد بالايام تروح بروفات وتقعد لساعات طويله جداً تذاكر وتحفظ مقامات جديده عليك وتطور من نفسك وتكون مستعد لبدايه حلم جديد وكل ماتنام تحلم بالحاجه دي كتير اوي وفي يوم وليله تلاقي حلمك اللي كنت بتحلم بيه بيتحقق قصاد عينيك والخوف اللي كان جواك وماليك اتحول وبقي نجاح وتلاقي دموعك بتنزل تلقائي وانت بتستلم جايزه المركز التاني علي مستوي الجمهوريه وقبلها بسنه تفتكر انك كنت بتستلم جايزه المركز الاول 🙏🏻❤️ في وقت استلام الجايزه قولتله في سري شكراً ليك يارب علشان انا ابقي بنكر جمايلك عليا لو قولت اني مش شايف خيرك اللي مغطيني ❤️ وفي نفس اللحظه افتكرت كلام ديفيد ليا " خليك دايماً شخص ناجح لنفسك مش للناس علشان الناس عمرها ماهتستني تشوفك للحظه واحده شخص ناجح ومبسوط في حياتك !!
انت بس اللي هاتكون منتظر لحظه نجاحك وانت بس اللي هتعرف تعمل كده مش هما ركز دايماً علي هدفك لحد مـ توصله وتحققه " احساس النجاح دا نعمه ربنا يديمها في حياه كل واحد بيتعب علشان يحقق اللي بيتمناه والاجمل ان المتعة بتكون دايماً في الرحلة مش في الوصول وكل ماتشتغل بالقليل اللي عندك هتلاقي يسوع يشتغل بالكتير اللي عنده علشان دايماً قوته في الضعف بتظهر 💪 عايز اقول لكل واحد كلمني وشجعني شكراً ليكم ولمحبتكم وتشجيعكم واسف لو طولت عليكم " نتمني له كل التوفيق والاستمرار
