كتب - محرر الاقباط متحدون
تداول رواد مواقع التواصل الاجتماعي منشور عن حادث بشع أودى بحياة شقيق وشقيقته واصابة اخرين، وجاء بنص المنشور :
مارى و رامز إللي في الصوره سوا رايحين يعملوا نص أكليل عملوا حادثه و حالتهم خطر ، أختها ميرنا إللى في الصوره كانت معاها و راحت السما واخوها بيشوي كان معاهم و راح السما والمصور إللى كان معاهم يصورهم هو كمان راح السما.
ياريت كلنا نصلي ل مارى و رامز يقوموا يكملوا المشوار و نصلي لأهلهم لأن فيه أم و أب فقدوا إتنين من ولادهم في لمح البصر و التالته هي و خطيبها بين إيدين ربنا .
فعلآ كل حاجه بتحصل بتقول إن الدنيا مالهاش أى قيمه عشان نعيشها في كدبه كبيره إسمها الأنا لازم نفهم الحقيقه إحنا بكل خيرنا و شرورنا و لا حاجه إحنا لو فعلآ فاهمين الدنيا صح نعيش بقلوب طيبه و نحاول نعمل إللى يخلينا مش خايفين من اليوم ده .. ربنا يعزي.
يالا بسرعه الساعه بقيت ٧ مش عايزين نتأخر على العروسه و نبقا جنبها ...... واقفين فى حوش كنيستنا الساعه بقيت ٧:٤٥ العروسه لسه ماجتش اهل العروسه ابتدو يطلعو من الكنيسه... الخطوبه هتتأجل طيب خير... طيب فهمونا... طيب هما كويسين و هما فى الزفه عملو حادثه و هما فى المستشفى طيب حد جراله حاجه ... طيب حد يطمنا.
صمت ........و روحنا بيوتنا و محدش فاهم حاجه و بعد شويه ابتدينا نستوعب.....الفرح اتقلب عزا نوبه (المصور) بيشوى مدحت (اخو مارى العروسه) ميرنا مدحت (اخت مارى العروسه) طلعو السما و مارى ورامز خطيبها محتاجين صلاه و حالتهم وحشه .
ياااااااااااااااااااارب للمره المشعارفه كام .... هسكت و مش هنطق .... و مش هسأل ليه بس يارب محتاجين رحمه فى العالم ده العالم بقا قاسى علينا اوى يارب ."
يارب بنترجى رحمتك و حنيتك احنا اضعف من التجارب دى يارب الزعل فرفت قلوبنا خلاااااص كل يوم بنودع حد او بنعزى حد .. و كلها اختطاف.
زمن الاختطاف ده مرعب... مرعب اوى ...... اوى
يارب اسند و طبطب و عزى ... و اتحنن و ارحم يارب أرواحنا بتطفى خلاص ... بس بنعافر كيرياليسون تنقل جبال كيرياليسون ... كيرياليسون ... كيرياليسون.