محمد السماك : هاتلي مسيحي واحد بيعبد ٣ الهه .. ليه كل الكره والحقد والمحاولات المستميتة لتشويه وتكفير المسيحيين !

كتب المفكر والباحث الاسلامي المستشار احمد عبده ماهر عبر حسابه على فيسبوك :" هل تعلم أن اهل الكهف المؤمنين المذكورين بالقرآن كانوا مسيحيين  من تركيا بمدينة أفسس.

 

ورد عليه محمود داود :" طيب أنا هتنازل معاك وأقول إن أهل الكهف هم فتية أفسس. تمام !، الغريب إن هو بنفسه بيقول أن أهل الكهف " المؤمنين " كانوا مسيحيين ! .. طيب أنت عرفت منين إنهم مؤمنين؟ أكيد من قول الله في سورة الكهف

﴿إِنَّهُمۡ فِتۡيَةٌ ءَامَنُواْ بِرَبِّهِمۡ وَزِدۡنَٰهُمۡ هُدٗى﴾ [الكهف: 13]

﴿فَقَالُواْ رَبُّنَا رَبُّ ٱلسَّمَٰوَٰتِ وَٱلۡأَرۡضِ لَن نَّدۡعُوَاْ مِن دُونِهِۦٓ إِلَٰهٗاۖ ﴾ [الكهف: 14]

يبقى ربنا وصفهم بأنهم مؤمنين و موحدين بالله .. تمام؟ طيب تعرف هما ليه أصلا راحوا للكهف ؟  شوف الآية بتقول إيه، بتقول إن أهل الكهف قالوا:  ﴿هَٰٓؤُلَآءِ قَوۡمُنَا ٱتَّخَذُواْ مِن دُونِهِۦٓ ءَالِهَةٗۖ لَّوۡلَا يَأۡتُونَ عَلَيۡهِم بِسُلۡطَٰنِۭ بَيِّنٖۖ فَمَنۡ أَظۡلَمُ مِمَّنِ ٱفۡتَرَىٰ عَلَى ٱللَّهِ كَذِبٗا﴾ [الكهف: 15]

يعني قوم هؤلاء الفتية - قومهم: أي المسيحيين - أشركوا بالله  يعني الفتية فروا وهربوا بإيمانهم بالتوحيد  .. وبالتالي لازم قولك واستدلالك بالقصة إنك لازم تقول إن المسيحيين مشركين . عشان كده ربنا قال:

﴿‌لَّقَدۡ ‌كَفَرَ ٱلَّذِينَ قَالُوٓاْ إِنَّ ٱللَّهَ ثَالِثُ ثَلَٰثَةٖۘ وَمَا مِنۡ إِلَٰهٍ إِلَّآ إِلَٰهٞ وَٰحِدٞۚ﴾ [المائدة: 73]

-

يبقى ......جايب مثال على فتية آمنوا وكانوا موحدين، وعايز يدلس ويقولك ده إيمانهم هو نفس إيمان المسيحيين الحاليين ! .

وفي سياق ذلك علق الناشط الحقوقي محمد السماك على الاخير قائلا :" هل تعلم أن حضرتك حافظ مش فاهم ، أيوه الايه صحيحه لكن تفسيرك هو الخاطئ لأن من الواضح انك بترد علي قصه لم تقرأها اصلا .

بالفعل هؤلاء الفتية فروا وهربوا بإيمانهم بالتوحيد لأن إمبراطور روما في الفتره دي كان بيضطهد المسيحيين بغاية القسوة ليمحو حتى اسمهم من أذهان الناس فهرب الفتيه الي الكهف خوفا من بطش الدوله التي كانت تحاربهم ليستيقظوا ويجدوا أن المسيحية قد انتشرت انتشارا عظيما في تلك المدة ، لآنهم لما ناموا كان الناس يعتبرون الصليب علامة احتقار وعار، ولما استيقظوا رأوه يتلألأ علي تاج الإمبراطور وعلي أعلام مملكته ، وأن جميع رعايا المملكة الرومانية قد دانوا بالمسيحية ، وأن هذه الديانة كادت تزيل غيرها من الأديان.

 

- نيجي بقي للنقطة المهمه لي كل الكره والحقد والمحاولات المستميتة لتشويه وتكفير المسيحيين وزرع الكره في عقول البسطاء؟ ولاني مش بحب اتكلم في الدين علي صفحتي لكن حابب أوضح لأمثالك نقاط مهمه.

 

- رساله الاسلام تشمل جميع الأديان والرسالات السابقه وارجع الي 

البقره١٣١-المائده٤٤-النمل٤٤-الذاريات٣٦-الأعراف١٢٦-المائده١١١

 

بشهاده القران هم أهل كتاب غير مشركيين والله فرق في الأحكام والمعاملات والتشريعات بين أهل الكتاب والمشركين فلو هما مشركين ليه ربنا قال عليهم أهل كتاب ومعامله وأحكام أهل الكتاب تختلف عن المشركين.

 

هاتلي مسيحي واحد بيعبد ٣ الهه لو حضرتك دارس توحيد وتحديدا باب الأسماء والصفات هتعرف أن في حاجه اسمها الاسم والمسمي والجوهر والذات وكام مصطلح هيساعدوك تفهم في الاسلام مثلا الله من حيث هو حي ندعوه بالحي المسيحيين دعوا الله من حيث هو حي بالروح القدس فلو حضرتك شايف المسيحيين من المنظور ده بيعبدوا ثلاث الهه يبقي حضرتك بتعبد اكتر بكتير.

 

ايوه بيقولوا 

- طيب هل القران رفض ده ؟

لا لأن القران رفض نسبه ولد لله علي سبيل التناسل والعلاقه الجسديه وكلمه ابن في اللغه بتحمل معاني اكتر من معني ولد عن التانسل 

مثال كلمة (ابن) تفيد ذات الطبيعة والجوهر (ابن الإنسان) وتفيد تأكيد المعنى (فلان عربي ابن عربي) واحيانا تفيد المساواة (فلان ابن عشر سنوات) وتفيد ذات الشيء  معلناً (ظاهراً) فقولنا (بنات الفكر) كما تفيد الملازمة وعدم الانفصال كقوله "وابن السبيل"

 

اهي كل المعاني دي هي الي يقصدها المسيحي بمعني ابن وليست البنوه التي رفضها القران.