كتب - روماني صبري
وجه قداسة البابا تواضروس الثاني، بابا الاسكندرية بطريرك الكرازة المرقسية رسالة إلى أولاده طلبة وطالبات الثانوية العامة ٢٠٢٢ .
وجاء بنص رسالته الصوتية :"
اهنئكم ببداية الامتحانات التي تحصدون فيها كل مجهود العالم كله، تعبتوا وذاكرتوا واجتهدتوا ، وسهرتوا ايام كثيرة وساعات كثيرة وبذلتوا مجهود كبير.
كان لكم الامل الكبير انكم تكملوا فترة الدراسة بسلام وفترة الامتحانات جت عشان تكشف كل المجهود الحلو اللي انتوا تعبتوا فيه.
ربنا يبارك حياتكم ويبارك امتحاناتكم، طبعا بتدخل الامتحان وانت مطمئن ان مجهودك بتاع السنة كلها موجود وياك وانك هتقدر تجاوب وتحل بقليل من النظام وبقليل من التفكير وبقليل من الراوية وانت بتجاوب كل سؤال.
ربنا يبارك تعبكم ويفرحكم ونفرح وياكم بالمجهود الكبير وطبعا نجاحكم وتفوقكم وتقدمكم ينعكس على البيت عندكم وعلى المدرسة والمدرسين اللي وقفوا جمبكم وعلى الكنيسة وكل المجتمع .
