أنجى مجدى
جريمة المنصورة اللى هى انعكاس لمجتمع بيكره المرأة وبيشوف إن أي ذكر من حقه يتحكم فيها، ويبحث عن أسباب لتبرير جريمة مروعة تحت ذريعة هى كانت لابسة أيه، والاختلاط هو السبب وأكيد يا عيني مريض نفسيا، أو هى أكيد مش محترمة…
الجريمة أيضا جزء من إعلام ضحل وفاسد يسيطر عليه مستوى مقيت من ترندات الإساءة للمرأة، إعلام اغتال طفلة معنويا بدم بارد لأنها اشتكت من خيانة أبوها لأسرتهم، إعلام عمل من زوج معتدي بطل وراح يسجل معاه ويحتفي به ، إعلام حرف تصريحات ممثلة عن اكتئاب الحمل وعدم قدرتها إرضاع طفلتها علشان الناس تفضل تشتمها ويجيب ترافيك أعلى.. إعلام لما نشر جريمة قتل أخ لأخته بررها إنه بسبب طلاقها مرتين وإن هى أكيد غلطانه… وعشرات الأمثلة من التحريض ضد النساء وتبرير الجرائم ضدهم.
