كتب - محرر الاقباط متحدون
نشرت جريدة شهيرة خبرا حمل عنوان "تقرير الطب الشرعي لنيرة اشرف : غشاء البكارة سليم ويخلو من اي تمزقات قديمة او حديثة والرحم سليمي وخالي
وعلقت المحامية نهاد ابو القمصان عبر صفحتها على فيسبوك :" يا حبايبى دا يا خبر مضروب ، يا تقرير الطب الشرعى دا مضروب لانه لو حقيقى اللى كاتبه يتجازى ويترفد من شغله ، لانه خارج حدود القضية مفيش حاجة اسمها كشف طب شرعى شامل كامل خامل هامل كدا فى اى قضية .
الطب الشرعى مش تخصصة يعمل فحوصات شاملة كاملة مش معمل البرج هو فى الجرائم المطلوب كشف اثر افعال الجريمة وسبب الوفاة لا العذرية ولا غشاء بكارة ولا هبل من دا خالص.
الخلاصة دا يا خبر مضروب يا تقرير مضروب لزوم الشطشة الصحفية ودا لا انسانى ولا اخلاقى ولا قانونى و اهل نيرة من حقهم يقاضو اللى فبرك الخبر او التقرير كفاية هرتلة بقى مش فاضيين احنا عندنا اجازة عيد عايزين نفصل شوية مش فاضيين للجد عايزين شوية فراغ #حكايات_نهاد #نهاد_ابوالقمصان.
