كتب - محرر الاقباط متحدون
اجتاح الغضب عدد كبير من رواد مواقع التواصل الاجتماعي في مصر ، لاسيما من خريجي كليات الاعلام ، وذلك خلال الساعات القليلة الماضية، بعدما كشفت قناة فضائية عن تقديم برنامج تليفزيوني لإيمي تاتو، وتعمل في مجال التجميل، والتي اشتهرت بفيديوهاتها على مواقع التواصل، وسبب الغضب لعدم حصولهم على فرصة للظهور رغم انهم يمتلكون ما يؤهلهم للعمل الاعلامي.
وساندت الاعلامية ريهام سعيد ايمي تاتو، وكتبت عبر صفحتها على فيسبوك :"
يا عالم الرحمه . اولا ايمي تاتو مش طالعه مذيعه علي قناه الشمس دي فقره في برنامج ليه مذيعه و الفقره بتتكلم عن التجميل الي هي اثبتت كفاءتها فيه . ثانيا ايه كميه قله الادب دي وعلي فكره كل الي كاتب بوست يهاجم هايموت يشتغل في الاعلام . هي ايمي الي خدت الفرصه منك ؟ لا محدش بياخد رزق حد .
علي فكره في ناس علي الشاشات بفلوسها و فشله وًمحدش بيتكلم جيتوا علئ الغلبانه الي نحتت في الصخر لحد ما وصلت . ايمي دمك خفيف و عندك كاريزما و تتحبي و هاتكسري الدنيا مش كل الي بيطلع علي الشاشه نسميه اعلامي في entertainer.بس احنا بقينا صعب اوي .
حد فكر ممكن تبقي هي نفسيتها عامله ازاي دلوقتي ؟ ؟؟؟؟ مش مهم صح ؟ المهم تطلع عقدك علي الناس و بس . .و غيديوهاتها الي عامله ملايين هو ده مش جمهور ؟ عيب بقي الفاشل يطلع عقده علي الناجح لان و الله ما هاتاخد اكتر من رزقك.
وقررت هيئة المكتب بالمجلس الاعلى لتنظيم الاعلام وقف برنامج ايمى تاتو على قناة الشمس .
واضاف المجلس في بيان عبر صفحته الرسمية على فيسبوك :" وذلك بعد ان تلقى المجلس شكاوى كثيرة حول خرق البرنامج للاكواد الاعلامية ، ومخالفة شروط الترخيص الصادر للقناة ، وتحويل المسئول القانونى للتحقيق فى المخالفات المنسوبة للقناة .
