✍ممدوح الديري✍
كنا حزاني والحكم الموت
جالنا يسوع في ميعاد مظبوط
رد الملك وهزم الموت
والانسان أصبح مبسوط............
هي العدرا دي طبعها ايه
اللي اختارها وفرحة بيه
وملاكه جاها وبشرها
هتكوني سما وملكوت...............
وانت يايوسف انت راجلها
تقضي معاها الرحلة بطولها
والعيلة انت هاتعولها
ياخدم سر الناسوت...................
ويابيت لحم لست الصفري
بكره مغارتك تبقي الكبري
جه وسكنها رب القدره
ابطل فيها حكم الموت...............
يجي مجوس مالشرق عشانه
والرب تمم إعلانه
وراعة تنشد ألحانه
وملايكة بتعلي الصوت..............
المجد لله في الاعالي
وعالارض سلامه يحلالي
بقي زيي يسوع وشبهني
فتح لينا باب الملكوت................
جيت يايسوع نورت حياتي
كل الماضي وكل الاتي
يبقي معاك حلو ومرغوب
بميلاد أصبح مظبوط.................
✍ممدوح الديري✍
