د.امير فهمي زخاري المنيا
اللبن الجاموسى أو البقرى عبارة عن مستحلب.
وكلمة مستحلب يعنى ماء ودهن مع بعض لو أنت سيبت اللبن ساكن او حطيته بالتلاجه بيفصل الماء عن الدهن ويطلع اللبن دسمه.
والحقيقة فيه دراسات كتير خالص بيتنادى الناس ان لا تستخدم إلا اللبن كامل الدسم علشان الفيتامينات الذائبه فى الدهن .
المهم الدهون بتطلع فوق والماء ومكوناته بتكون تحت و بتطلع القشطه أو كريمة اللبن .
كريمة اللبن أو القشطة بالخض بتتحول لزبدة والزبدة دى عبارة عن ماء وسمنة و شوية بروتين ونشويات بسيطة.
أمهتنا بيسخنو الزبدة مع الملح عشان يطلعو السمنة صافية ويطلع الباقى المورتة أو عجوزة اللبن ودى مغذية جدا جدا جدا نشويات على بروتين وطعمها مملح ورائع بمعنى الكلمة .
اللى مش طبيعى بقا جت فئة ظالمة وقالت لك طب الناس عاوزين سمنة عشان صناعات المخبوزات وتكون رخيصة فى البيوت فجابو الزيوت النباتية و حولوها كيميائيا بالهيدروجين لمصيبة عظيمة اسمها السمنة النباتى المحولة.
ودى سم بمعنى الكلمة دى بتدخل الجسم تترسب على الشرايين من الداخل وتسبب التهاب مزمن.
دول العالم كلها بتسن الأن قوانين لمنع استخدام الدهون النباتية المحولة نهائيا وطبعا الفئة الظالمة منستش تعمل المارجرين اللى هيه الزبدة النباتى المحولة أيضا اللى كانت معمولة فى فرنسا كبديل للزبدة عشان يوفروا الفلوس فى أكل عساكر الجيش الفرنسى و عشان عامة الشعب يلاقى حاجة دسمة ياكلها و تكون رخيصة وخلاص لكن الناس الغنية متكلش القرف ده .
طيب ايه هيه فوايد السمنة البلدى و مسموح ليا بقد أيه فى اليوم :
١- منجم لفيتامينات الدهون - فيتامين ألف لعينك - ودال لعظمك - وكاف لشرايينك - وهاء لكبدك .
٢- علاج غير عادى للإلتهابات و منشط للمناعة و بيديها قوة غير عادية وجرب اما تتحرق .. تحط حتة سمنة بلدى على الحرق وهتشوف السحر وياسلام لو السمنة عليها حتت عسل وبعد ماتتعالج من الحرق يبقا هات رغيف عيش وغمس .
٣- لو شعرك جاف ومقصف وضعيف ولا بشرتك جافة يبقى عندك نقص فى السمنة البلدى فى الدم يبقى افتحى كبسولات فيتامين هاء وحطيها على السمنة البلدى و ادهنى شعرك ولا جلدك دا كريم مرطب ومنعم غير عادى شعرك هيبقى حرير حرير .
٤- حمض البيوتريك الموجود فى السمنة بيدعم صحة الجهاز الهضمى ماهى الفلاحين صحتها ضاعت لما سابو السمنة البلدى دول بيطبخوا بالنباتين النهاردة .
٥- فى البرد لما مناخيرك تنسد نقطة واحدة من السمنة البلدى دافية مش سخنه فى المناخير تسلك على طول وبلاش النقط اللى بتدمر الأغشية بتاعت الأنف دى .
٦- بتدعم جهازك العصبى دعم فوق الخيال لا رعشة ولا ضعف ولا هزال .
٧- بص عظمك هيبقى حديد ومش هتخلع سنة من سنانك .. السمنة فيها فيتامينات العظم ..فيتامين كاف وفيتامين دال.
طيب اخد منها اد ايه فى اليوم واكون فى السليم ؟
معاك لغاية ١٠٪ من سعراتك الحرارية سمنة بلدى بأمان تام يعنى لو انت بتاخد ٣٠٠٠ سعر ليك ٣٠٠ سعر سمنة بلدى حوالى ملعقتين كبار وعيشو حياتكم.
ياجماعة متخافوش من السمنة البلدى أنا مفيش نقطة كتبتها فى المقال ده الا وليها مرجع اللى بيحذرك من السمنة البلدى والله مايعرف يعنى ايه تغذية .
شيرو لغيركم و عاوزينكو كلكم أقويا وعظمكم قوى وبشعر ناعم زى الحرير .
معلومه احب اضيفها للبوست وهى الذبده فيرن صناعى .. خلص الكلام ..
وكمان معلومه السمنه الفلاحى اخف وافيد من الذبده الفلاحى .
دمتم بصحة وعافيه.
د.امير فهمي زخاري المنيا
