ممدوح الديري
اهو جي العيد يايسوع وفي قلوب موجوعة...........................
تعالي حل الموضوع واسمع لصلاتنا المرفوعة........................
اللي مريض اديله قوة رجع ليه الصحة تاني................................
والمحتاج سدد عنه ولايرجعش يعاني..........................................
واللي في غربة انت حمايته يرجع بيته تاني.........................
والمتالم من أجل حبايبه وبيبكي وبيعاني.........................
عزي يا ربي قلبه رجع ليه الروح من تاني............................
اهو جي العيد يايسوع والعالم كله ذنوب....................................
تعالي حل الموضوع والعالم كله يتوب....................................
اللي بعيد والعالم سارقه خليه يرجع ليك...................................
واللي الفكر بتاعة مضايقه نقي الفكر بايديك...............................
واللي عينيه شريرة خليه يبص عليك...........................................
واللي مٌّرّابي وبيحللها والمسكين يصرخ ليك................
عوجه السكة يارب اعدلها خليه يفكر فيك...................................
اهو جي العيد يايسوع اكثر لينا الخيرات......................................
تعالي حل الموضوع ذود لينا البركات.......................................
وثتمار الحقل زيدها أضعاف سبع مرات...................................
ومياه النهر فيضها تسقي كل العباد...........................................
والجو يبقي صافي والاوبئة تباد..............................................
ومصر بلدنا تعبر المحنة للامجاد.......................................
وكنيستك يارب قودها عيشها في أعياد.....................................
بمحبة افتقدها والروح ترشد ارشاد..........................................
اهو جي العيد يايسوع وتعالي اسكن قلبي.................................
تعالي حل الموضوع انت إلهي وربي...........................................
✍ممدوح الديري ✍
