كتب - محرر الاقباط متحدون
قال الدكتور رضا عبد السلام، محافظ الشرقية السابق :" نحتاج إجراءات سريعة وعاجلة ورادعة لمواجهة الفاسدين والقيادات الإدارية الفاشلة اللي مش فاهمة يعني ايه اقتصاد .
مضيفا في مقطع فيديو :" القيادات الادارية الفاشلة اللي واقفة حال البلد في كل محافظات مصر، واستشهد بواقعة مصنع الكاوتش.
وتابع :" كان في راجل جالي في الزقازيق ومعاه ١٢ مليار جنيه، قالي عاوز اعمل مصنع على ٣٥٦ فدان، ومعايا مستثمرين من الخليج .
موضحا :" بيقولي يادكتور رضا هو ومجموعة المستثمرين: بقالنا ٥ سنين نتردد على المحافظة ومش عارفين ناخد الموافقة وكان المستثمرين خلاص هيهاجروا ويسيبوا البلد ويلغوا فكرة المصنع .
قولت لهم المشكلة فين؟
قالولي : صندوق المحافظة عاوز ياخد عشرة جنيه على كل متر من ارض المصنع ، يعني عاوزين ٤٠ مليون شرط والا مش هيفوقوا.
وواصل في غضب :" ليه نضيع ١٢ مليار جنيه، فاستدعيت مدير الشؤون القانونية وهو يشهد على الكلام ده، وقولتله هل فعلا طالبين منهم الرقم ده ، قالي نعم صحيح ، بناء على قرار من الوزير فلان الفلاني، ومحافظ.
وتابع :" قولتله وانا محافظ امضي واكتب الصيغة وحددت المطلوب ١٠ جنيه على مناطق الإنشاءات فقط والراجل دفع ٥ مليون فقط وجاي يبوس راسي قولتله لأ انا اللي ابوس راسك وحقك علينا .
