كتب - محرر الاقباط متحدون
قال الرئيس عبد الفتاح السيسي، بخصوص مشروعات توشكى وشرق العوينات :" زمايل لينا (المسؤولين السابقين) قبل كدة من ٢٠ سنة او اكتر حلموا بهذه المشروعات ولم تتحقق وبفضل الله سبحانه وتعالى كان لينا نصيب إننا نحققها .
مضيفا في تصريحات متلفزة خلال كلمته بافتتاح موسم حصاد القمح بشرق العوينات، اليوم الأحد :" وده معناه ان أي تخطيط الدولة بتعمله بيتعمل بناس متخصصة ومش معنى إنه موفقش من 20 أو 25 سنة، أن التخطيط مكانش كويس، يمكن في عوامل تانية منعت تنفيذ هذه المشروعات .
وتابع :" من قالوا الكلام ده وقتها مكانوش غلطانين والتخطيط جيد والأرض اتزرعت وبتنتج، في النهاية بالنسبة لحجم الأراضي دي بنتكلم في مليون طن قمح يساوي كام وهما معمولين بنظم ري حديثة حجم المياه المستخدم فيهم هو الحجم الأمثل في الري.
