بقلم جورج حبيب
وِقُلوبْ مِن الهَواء تِدوبْ
وِقُلوبْ ضَيقة ضِيق الدِرُوبْ
وُقلوب مَا عَندِها مَشاعْر
وكُلا مِنها بِغيرُه مَا شَاعر
وِقِلوُب مَا تعرف تِسَامح
وِمَهما إعتَذرتْ تتكَابرْ
وِقلوبْ رَايقَه وِشَفَافَه
وِكُلها مَحبه وعَفَافه
وِقُلوبْ مَليَانه سَوادْ
وِتِفتكرْ عِيوبْ الاجدَادْ
وِقُلوب مِسَلمه وِفرحَانه
عَايشَه في السَما وِسَهرَانه
وِقِلوبْ في الأرض تَعبَانه
ضَاع رَجَاها وفي عِيشِتها غَلبَانه
وِهي دِي أنواع القِلوبْ
قِلوب منْ الهَواء تِدوبْ
وِقلوب زَي الدِرُوبْ
