بقلم : مرقس كمال

ايدى مش على حيطة ساندة
مرفوعة منتظرة المساندة
والمشاعر جوه قلبى صادقة لكن كتير معاندة
أه معاندة فعلا معاندة

معاندة كل غش وخداع
معاندة عشق لوى الدراع
معاندة فكر كتير يحارب يعمل صداع
معاندة ارض مش هتبقى والعيشة فيها حق انتفاع
معاندة ممكن باندفاع
لكن ناحية ركبه ساجدة
أه معاندة فعلا معاندة

أه معاندة فى يوم برد قاسى والمطر نازل شديد
معاندة وجوه القلب حب طهره لهيب يدوب حديد
معاندة وشايفة فرح دايم حتى لو متشاف بعيد
معاندة عشان مش راح يحافظ على النقاوة غير عنيد
معاندة عشان بفرحها تتحول كل لحظاتها لعيد
معاندة ووسط جو قاسى تجرى والاصرار يزيد
معاندة ورافضة يوم تستسلم أو تستخبى تحت تاندة
اه معاندة فعلا معاندة

اه معاندة فكر هدفه ينسينى شكلى وأصلى
معاندة حرب فاكرة منها راح اخاف وتسيب مفاصلى
معاندة لقيتنى بعندها حاجرة لى كرسى جوه فصلى
ف مدرسة حضن الاله باحتواء مش راضى فصلى
مادد ايديه من فوق لايدى ورافعنى ليه باروع مساندة
يسبى قلبى وكيانى وفكرى ومشاعرى اكتر تفضل .. معاندة
أه معاندة فعلا معاندة

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :