الراسل : توماس بشاي
المعادلة لسة متحلتش, ولما يبقي فيه معادلة لسه متحلتش, بيبقي فيه مجهول, بيبقي حته صغيرة, بس معاه الحلول, جوه المعادلة أنا اللي مجهول, والمعادلة بتاعتي بس أنا مجهول, مش مهم مين جاهلني, المهم إن أنا مجهول. وإن قلت حقي فين وحلوها, فالصبح أكون منقول..وإن قلت أبقي معيد وحلوها, كل المواد مقبول. وإن قلت أبقي كبير وحلوها, فالليل أكون مقتول. وإن قلت طب حلوها من غيري, قالوا نحلها كيف, وانتَ ويانا مجهول؟ طب والحل إيه؟

مش عارفين تحلوها, ومش راضيين تساووها, مش هاتتحل يا مصري, غير لما تحبوها. لازم نجيب مجهول, ونقوله انت مش مجهول, دا انت اللي مش باين, بس معاك الحلول. قال من زمان مجهول, المعادلة بتاعتي بس أنا مجهول. بس سيبنا من زمان, لو هاتحلوا المعادلة هاديكوا الحلول, بس المهم مبقاش أنا مجهول, ولا بلدي مش مجهول, ولا ولدي مش مجهول, يا إما تجيبوا كفني, وأبقي علي الإيدين محمول..

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :