(على وزن عّ الروزانا)
 
زهير دعيم
عَ الناصِرَه عَ الناصرَه  عاش الفادي فيها
شو ربّت الناصِرَه ........... الله يِهنّيها

يا رايحين عَ الجليل  لا تنسوا تزوروني
حاملين معاكو الانجيل وِقُصفة زيتوني
يسوع الرّاعي الجميل    وِالفرحة لعْيوني
ونسمة هوا حلوي ..........مِن فوق طَبريّا

يا رايحين عَ قانا هنّولي هالعُرسان
وجيبولي دمعة خمر من صنع هالحنّان
تروي روحي ونفسي وقلبي هالعطشان
    وتزرع دْروبي  حبّق جنبي  وحواليا

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :