حقوق الإنسان.. من أين لك هذا؟
![](../../../uploads/2555/30_20160302092941.jpg)
بقلم - أماني موسى
حبايبنا بتوع حقوق الإنسان.. أنا موافقة أتخلى عن نص عقلي وأكون معاك في آرائك العظيمة ضد البلد والرئيس والتسفيه الدائم والسخرية من أي حاجة وكل حاجة.. شريطة أن أنت كمان تكون معانا كشعب على نفس الدرجة من الوضوح اللي بتطالب بيها الرئيس من إعلان الميزانية ومش عارف إيه.
1- أنت مين؟
2-بتشتغل إيه؟ وإيه المرتب اللي بتتقاضاه وبتتقاضاه من أي جهة بالظبط ونظير أي أعمال؟
3- مصدر رزقك وسفرياتك المعروفة للقاصي والداني منين ولصالح مين ومين بيمولها وليه؟
4- حساباتك في البنوك؟
5- تعليمك ودرجاتك العلمية اللي بيها أكتسبت الخبرة مش بس الواسعة لكن اللا محدودة واللي بيها بتقدر تتكلم في الفن والاقتصاد والسياحة والمشكلات الاجتماعية وغيرها؟
6-إنجازاتك ومش هنقول الشخثية لأن معروفة هي منحصرة في أنهي مجال تحديدًا لكن للبلد دي؟ ماذا قدمت لها فيما عدا اللغو؟
7- أعتقد من باب أولى سفرك ومعيشتك الدائمة لإحدى البلدان التالية على سبيل المثال لا الحصر "سوريا، عراق، ليبيا، يمن، سعودية، صومال" .. أظن مفيش أحلى من كدة للحديث والصراخ عن تلك الحقوق وذلك الإنسان.. هناك بالفعل أوضاع مأساوية تستحق منك الصراخ وانتفاخ عروقك لأجل حقوق الإنسان.
أما بالنسبة للشعب: وحياة أمك الغالية اللي هي مصر طبعًا ما هتشوف تنمية مستدامة ولا متقطعة حتى طول ما أنت مش بتعمل حاجة في حياتك غير الخلفة وجلب المزيد من التعساء.
كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها
تابعونا على صفحتنا علي الفيسبوك
رابط دائم :