أحمد حلمي

ناشد النجم أحمد حلمى جمهوره على صفحته الرسمية على موقع التواصل الاجتماعى "فيس بوك" بألا ينساقوا وراء الحسابات المزيفة التى تحمل اسمه، حيث طلب حلمى من جمهوره التأكد أولا من الحسابات المنتشرة إذا كانت حسابات رسمية أو مزيفة.

وقال حلمى: "مساء الخير عليكوا جميعا..
 أنا طالب منكم خدمة.. ودى أول مره أطلب فيها خدمة منكوا.. أنا هاقولكوا إيه الموضوع، فى بعض الأصدقاء والصحفيين الأعزاء كلمونى وقالولى إن فى أكاونتات كتيرة منتحلة شخصيتى وحاطين صورتى واسمى، وطلبوا منى أرد على الأكاونتات المزيفة دى لأنهم بيتكلموا بلسانى والناس بتصدق، وبعض الناس بتشتم من غير حتى ما يتأكدوا إذا كانت الأكوانتات دى بتاعتى فعلا ولأ، المهم إنهم طلبوا منى أرد وأوضح الصورة، فأنا لقيت نفسى بقولهم جملة قولتها قبل كدة فى أحد مشاهد فيلم (ألف مبروك) قولتلهم "والله ما أنا رادد" فضحكوا" ..

وأضاف حلمى: "علشان كدة أرجوكم أى حد يقابل فى وشه أى أكونت يحمل اسمى أو صورتى ياريت يتأكد إنه حقيقى قبل ما يتعامل معاه.. وللعلم أنا معنديش أكونتات خالص مش مؤكدة. كلها مؤكدة بعلامة الصح الزرقاء .. الخدمة بقى اللى أنا طالبها منكم إن أى حد يشوف أى أكونت منتحل اسمى وصورتى على فيس بوك أو تويتر أو إنستجرام إنه يعمل معاه الصح، وطبعا الصح اللى أنا أقصده إنه ينصحه ويقوله (كدة كوخة) طبعا أنا اللى خلانى أطلب هو الحب العشم والله.. شكرا جزيلا".

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها