بقلم: وجدي شحات
لونوا الصلبان بالدم
سيب الدم متمسحوش
دم ابنى اللى مات شهيد
وبنتى الشهيده
واختى وابواى وامى

سيب الدم متمسحوش
دم مريم وبطرس
دم بولا وانطونيوس
غطى جدران كنيستى
فى يوم العيد

فى راس السنه كنت سعيد
انا عارف جدران كنستى
صلبنها بيضا
خرجت لقيتها لونها احمر
ساءلت مين اللى غير لون
صلبان كنيستى
صرخت صرخه
شهقت شهقه
ابنى وامى
ابواى واخواى
طفلى ورضيعى
ده دمى انا عارفه
ارجوك سيب الدم متمسحوش

لونوا الصلبان بالدم
جريت الملم جتتى
لقيتنى مجروح بالجروح
شظايا وانفجار مريع
رجلى فين
ايدى فين
عينى فين
لقيتنى مجروح بالجروح
انا لسه بخير
ارجوك سيب الدم متمسحوش

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :