بقلم:عزة صبحى
دايب فيكى ليل نهار
عاشق هواكى للغبار
وانتى عشقتى فيا الألم

عشقتى دمى سايل فيكى
عشقتى روحى تروح فيكى
عشقتى نبضى بالغضب

مش مهتمة بموتى فيكى
مش مهتمة بكفرى بيكى
دمى الغالى اصبح ليكى
مأكل ومشرب مكتسب

بوحتى فيا طوب ورصاص
وقنابل دامية بدون احساس
تقتل.. تمزع...... توزع
اشلاء..... دماء
رشت دمايا كالمطر

أيوة واخد ع الجروح
أيوة دايب ف المحن

عايش أسير ضيف تقيل
رغم ملكى للسكن

حتى حلمى غصب عنى
قبل مايكمل متهم

مش خايف أنى أموت شهيد
مش خايف م اللى بيطلب الجسد

خوفى تنسى موتى شهيد
لما جريتلك وريد
لاجل م يعشلك علم

ايه تانى هتاخدى منى
ايه تانى فاضل منى
مش فاضل منى
غير انى
انسى طعمك
 انسى اسمك
انسى انك
كنتى عايشة
فى قلبى وطن

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :