الحكاية يا أخواني حكاية قبطي.. كان عادي ومش معروف
ساعات بيفرح موت.. وساعات بيموت من الخوف
بس المرة دي مات بجد.. مات مجروح
و صرخ فينك يا سفينة نوح
في بحر الجموح
الألم لو بيروح
يبقى في القلب أثر الجروح

كان طيب و صريح

إنسان بصحيح
بس مات جريح
مات على اسم المسيح
فارد إيديه على المدى
والدم اللي كان بيسيح شافوه بيتحول ندى
وطوفان غضب من هنا ابتدى
بس نقول إيه؟ الحق ع الشهيد وبراءة للي اعتدى

طريقك حزن بطول الزمن
وزمنك ألم بطعم المحن
ومحنتك في الوطن
ووطنــك باعك وقبض التمن.. ريالات.. دراهم.. فضة بريحة عفن
إكليل الشوك يا زمن
مغروس في جبين الوطن
الوطن اللي كان حضن و سكن
وروح ساكنة البدن
وليه صار أضيق من كفن
يا خسارة يا وطن

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :