بقلم: ميلاد منير
لسه شايف
في عيونك ضي
ومعاكي مش خايف
م الجاي
وهانسى اللي راح
وبرغم الجراح
مقولتش اا ي
علشان لسه
في عيونك ضي
***
شايفك حرة
برغم اللي اتعرى
والعيون اللي باصة لبره
مقولتش في مرة
إن اللي راح مش جاي
***
شايفك ضل
وحضن الكل
ورغم الجهل
انتي الدفا والأهل
واللي عايش فل
ميت وهو حي
***
ولسه في عيونك ضي
صوتك في الثورة قوية
ودمك تمن الحرية
والخاين فيكي
مكشوف ومكسوف
وعامايله المدارية
طلعت لما اتكسر الخوف
وبقايا الحاشية والترزية
مش هاتكمل ولا هاتشوف
في عيونك ضي

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :