شعر: على غريب

حكومة مايعة وحقوقنا ضايعة
ومين واخدها وبأي حق؟!..
ولا حد قادر يقوله لأ
الكل شايف بس خايف
كفاية سكوت مش هتموت
يلا اتكلم اوعى تسلم خلاص الكل فهم واتعلم
احنا اصحاب الدار والكرسي ده دوار
اللي بيقعد عليه بيقول دي فرصة
ألحق أكوّش وبسرعة أحوّش
قبل ما أقوم ويجي غيري
ولا حاجة دايمة مركب وعايمة
من غير شراع واللي فيها حقه ضاع
أو اتسرق واتباع
قالوها من زمان: هننزل الميدان
واللي جدع .. جدع والجبان .. جبان

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :