بقلم: د. شادي باسم
قالولي أنت متعصب لدينك، قلت وماله لما أبقى متعصب لديني
ما ديني هو اللي من الشيطان بيحميني
ديني يعني لا أأذي حد ولا أحب حد إنه ياذيني
ديني يعني محبة وسلام، ديني يعني معنديش انتقام
ومحبة للجميع الرب مديني

متعصب لديني يعني بعبد ربنا ف حالي
وماليش دعوة بغيري. بصراحة. وأنا مالي
ربنا هو اللي بيحاسب إيماني وأعمالي
ومين إنتي يا نفسي يا خاطية لغيرك تديني؟

متعصب لديني يعني بخاف عليه لأنه حاجة تخصني
وقواعد إلهية لراحتي وسلامي تهمني
ولا هخاف من موت ولا أي حاجة تهزني
ومهما يحاول إبليس إنه يرهبني أو يغويني

متعصب لديني يعني مشيلش سلاح
لأن ربنا عايزني ملاك، مش قاتل سفاح
وكفايا يا دنيا باسم الدين نواح
وكفايا إنك لروح المحبة بتهيني

متعصب لديني يعني بلدي أساس الحضارة
متعصب لديني يعني مفيش على عيني ستارة
متعصب لديني يعني لما أطلع إعارة
نيل بلدي بذكرى حلوة يرويني

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :