بقلم : مهندس عزمي إبراهيم

نفسي أقولك، بس خايف انك تفهمني غلط
الكلام مع الشعور الحارة في قلـبي اختلط
لو كنت انا اسرائيـلي.. يعني يهودي
أو اخوانجي أو سلفي عميل سعودي
كنت بكل سـرور يا مشـير تبلـع لي الزلط
لكن أنــا مصري...ومصري حـُرّ
والكلام الحـق للظالم.. دايماً يضُرّ
وأنا عارف ان المصري الحر في نظرك عَـدُوْ
عاوز الأحرار تسيب البلـد
واللي قالوا عليها "طـُـظ" فيها يقعـُدُوا

قتلت شباب أحرار تحت مدرعــاتك
سفكت حــُـر الدمـاء
وفقعت عيون أبرياء
برصاصاتك
وسجنت منهم كتير داقوا المُـرّ في ثكنـاتك
على اولاد الوطن أسـد مغـوار بطل بارع
جرجرت فتـــاة حـُـرَّة على أرض شـارع
عَـرّيت جسمها الطاهر وسحلتها
أهنتـها وأهنت انسانيتها وبهدلتها

ورفسها العساكر الأبطال بالجـزَم
لا راعوا شرف ولا راعوا حُـرَم
ولو اغتصبها "كلـب" منهم
وسـط الجميع.. همـّا للأسف عارفين
لا ضمير ولا قانـون ولا ديـن
يقف لهم رادع
يحمي فتـــاة حـُـرَّة على أرض شـارع
داس على صدرها العسكري الباسل برجلـُه
لما المشـير البطـل قفـل قـلبـه ولـَغى عقــلـُه

فين الشرف العسكري.. وفين القسَـم يا مشيـر؟
أثبـَتّ انك ما تستاهلشي للأسف شرف غفيـر!
في أي دولة يا مشير؟ بل في أي غابـة
دُول وظيفتهم عساكر؟ والا دُول ديـابـة
سـيِّبتـهم في القاهـرة الحـرة
"دِّبــّـان" هايص في خرابـة

الصور والفيديو والشهود بتقول وتكتِب
وانـت برضه يا مشيـر.. تنكـِـر وتكـذِب
أثبت انك يا مشير؟
خاين ومغرض وظالـم ومعدوم الضمير
انت في الدينـار والـدولار والنفـط عايـم
واحنا بشـَر ما احناش ناموس ولا بهايـم
قوللي لحساب مين يا مشير بتشتغـَل
من عرقـنا ومن فلوسنا عايش منغنغ
وبرضه سايق فيـنا الهبـَل

نفسي أقولك، بس خايف انك تفهمني غلط
الكلام مع الشعور الحارة في قلـبي اختلط
لو كنت انا اسرائيـلي.. يعني يهودي
أو اخوانجي أو سلفي عميل سعودي
كنت بكل سـرور يا مشـير تبلـع لي الزلط

نفسي، نفسي بحق أقولــَّـك
زي ما بتذِلــِّنااللـــه يذِلــَّـك

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :