الراسل: روزت رأفت
تنام وتصحى تلاقيها زي ما هيه
وتلومها على قسوتها ديه
تعاتبها برقة ليه يا دنيتي
عاطية ضهرك في وشي وخلقتي
تقول وهي بتضحك بسخرية
معلش أصلي نصيبك كده

نصيبك واللي مكتوب هيصيبك
بالحلو أو المر مش هيسيبك
مكتوب إنك تعيش حيران
في دنيا البشر فيها في توهان
نصيبك كده

نصيبك إنك تعشق وتحب
والغدر يدخل يعمي القلب
وتبكي على جراح قلبك
وتنزف بدل الدموع دمك
نصيبك كده

نصيبك إن المرغوب ممنوع
حتى ولو كان من أي نوع
هيبقى قصادك مش مسموح
إنك تعلن رغبتك بوضوح
نصيبك كده

نصيبك إن تعيش بتدور على نور
ينور حياتك اللي اتملت جحور
جحور تستخبى فيها الضلمة
الضلمة اللي ملت حياتك بالوحدة
نصيبك كده

نصيبك إن عقلك يطير
وتحلم إنك عايش في حرير
وتصحى من حلمك على حقيقة
بتقول إن الحرير بداله حتة حديدة
نصيبك كده

نصيبك إن مش عاجبك العجب
بتلوم الدنيا على أي سبب
وتمشي في حياتك مش فاهم
لا نفسك ولا البشر وتعيش واهم
نصيبك كده

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :