بقلم :مي محمد زكريا محمد

ظلموني وقالوا عني بلطجى
رغم إني رافع كتابي وبقول ثورجي
هو دا جيشى إللي حاميني
عرا أختي وسمعها بتقول غطيني
ضربوها وهى متعريه
فإزاي والثوره كانت عن الحرية
رافع إيدي وبقول سلمية
وهم بردوا بيضربوا فيا
وبكلمه واحده بيقولوا أنت كلب و مالكش ديه
إعلام فاسد بيقول إننا مرتزقه والبنت الى انضربت أجنبية
بيقولوا أن دي بلد النخوة والرجولية
فأصحي يا بلد معمية
جيشك أهو بيضرب ولية
يالى بتقول إني مجرم إزاي تحكم عليا
دانا قولت أدافع عنها فإزاي تحكم عليا
يالى ما شوفتش ما تحكيش
دانا كنت بحمى أختى فمتلومنيش
هي كانت بتصرخ وتقول غطينى ياما غطي شرفي راح على يد الشويش
قالولي أمشي أجري أهرب فقولت إزاي أعيش
دى رجولتي متسمحليش
فرجعت بسرعه أشيل عنها يد الشويش
قولوا إللي تقوله ميهمنيش
المهم أني حاولت والمحاولة الى متجرحش متشفيش
كلامي خلص والعسكر لسه ما مشيش.

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :