ما تقولش البابا مات

الراسل: هانى فتحى غالي | الاثنين ٢ ابريل ٢٠١٢ - ٠٠: ١٢ ص +02:00 EET

حجم الخط :

ما تقولش البابا مات هو موجود فى السموات

بروحه الطاهره ويانا وبيقيم عننا الصلوات

خلى كل دير عامر بالرهبان والراهبات

بنى كنائس ورسم اساقفه فى كل الايبرشيات

وفى عهده اتسعت الميديا واصبحت عده قنوات

كنا كل يوم اربعاء نستنى منه احلى العظات

اللى يشوفه ويسمع كلامه يقول اسعد لحظات

ولما كان يقول قصيده بيكون فيها اجمل الابيات

اسمع منى نصيحه واستمع وركز فى التأملات

كان شاعر وصحفى ووطنى ورجل الخدمات

كان فمه ذهبى تانى ولسانه ينير الشمعات

البابا ميه وسبعتاشر كان من اعظم البابوات

تنيح فى يوم السبت وتم دفنه يوم التلات

كان رمز الوطنيه ومثلث الرحمات

من كل نواحى العالم بتقدم فيه ارق التعزيات

لانه كان طيب وحنون ويتميز بحسن الصفات

فى يوم رحيله الكل بكى وتألم بالاهات

بوادى النطرون جسده الطاهر بنأخذ منه بركات

كل الشعب بيشكره على ماقدمه من انجازات

ولما تشوف صورته تفتكر اجمل الضحكات

وصلت للسما يابابا وشعبك بيقولك سلامات

لانك بقيت شفيع لينا ومحقق كل الامنيات

ربنا موجود كله للخير ومسيرها تتنتهى فى كل الاوقات

دى ارق واجمل حاجه قالها البابا من كلمات

ولسه هنشوف ونسمع ما يظهره لنا من معجزات

تابعونا على صفحتنا علي الفيسبوك
رابط دائم :

تقييم الموضوع :

الأقباط متحدون