أوعــا ترحل يا بشار

ويــا بشار ضحكو علينــا بإسم الثورة بنت اللذينة
وبالاخر عصرنا لمونة ولبسنا في  مرسينا

أوعا ترحل يا بشار

يا بشار اثبت مكانك دا هيجي بعدك شوية أوغاد
هيسلقو دستور وينشرو أعلان وكله بأسم الثورة

أوعا ترحل يا بشار

يا بشار حرقو كنايسنا وخطفو بناتنا
ودهسو ولادنا وقالو عليهم دول حرامية

أوعا ترحل يا بشار


يا بشار دمرو وطنا وخربو اقتصادنا
ودمرو سياحتنا وكلة باسم الثورة

أوعا ترحل يا بشار

يا بشار القتلة اخدو براءات والشهداء حقهم
راح في خبر كـــــان وسلميلي علي الثوار

أوعا ترحل يا بشار

يا بشار انت عظيم وواقف ضد المخطط
ومش عاوز تسلم بلدك للعم سام والعم أوباما
.
أوعا ترحل يا بشار

يا بشار الدقون بقت بتحكم
واللي مش عجبه يروح يهرب

أوعا ترحل يا بشار

يا بشار قفلو القنوات وسجنو صحفيين
ومذيعات قال اية عشان سبو رئيسهم الخواف

أوعا ترحل يا بشار

يا بشار قالو فيه انجازات وقالو فيه نهضة
انجازهم كانت المانجة رخصت ونهضتهم طلعت فنكوش

أوعا ترحل يا بشار

يا بشار الجنية مبقاش لية لزمة
واحنا بقينا بناخد بالجزمة

أوعا ترحل يا بشار


يا بشار أوعا ترحل واقف في مكانك
دا لسة مفيش بديل هيقدر ياخد مكانك

أوعا ترحل يا بشار

يا بشار احنا بنبكي علي بلدنا
اللي راحت وراح معاها كل جميل

أوعا ترحل يا بشار

يا بشار سوريا أمانة عليك خليها ديما في عينك
واوعا تعمل زي مخلوعنا وتدبسنا في الجماعة

أوعا ترحل يا بشار

يا بشار احنا خلاصنا من جيمي وجالنا الشاطر
والمرشد عامل يرشد ومرسي واقف في مكانة

أوعا ترحل يا بشار

يا بشار بلدنا رجعت لسنين وسنين الي ما قبل التاريخ
وبقينا زي المماليك اللـــي هيكسب هيحكم لسنين
.
وأوعــــا ترحل يا بشار

يا بشار شتمو المسيح وحرقو كمان الانجيل
ومفيش راجل مليح يقدر يوقف ولاد التيت

أوعا ترحل يا بشار

يابشار فيه دولة قزمة بتصرف علينا
مهو احنا السبب لاننا عملنا ثورة بنت لذينة

أوعا ترحل يا بشار

بالنهاية  هذا ليس شعراً ولكنه نداء للشعب السوري مفاده هو أوعو تخيبو الخيبة بتاعتنا واشكرو ربنا علي بشار
 

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :