ياسلام سلم علي البهايم اللي بتتكلم

جورج المصري

يحكي ان كان هناك حمار حكيم من سلاله عريقه من الحمير عاشت تلك الحمير تنقل زكائب الذهب لاسره من أسر الاغنياء الي ان وقع هذا الحمار اخر السلاله في تاجر سماد بلدي وبعد ان كان اجداده الحمير يشيلوا  الذهب بالقناطير صار هذا الحمار المسكين ينقل روث البهائم تحصر الحمار علي حاله الي ان جاء اليوم الذي كان يمر في احد الاسواق ووقع نظره علي تاجر من نفس نوع التجار اللي كان ابوه وجده بيشتغلوا عندهم فجري الحمار ورا التاجر وقاله ياسيدي التاجر انا اخر سلاله الحمير التي كانت تحمل الذهب بالقناطير وللاسف بقت ريحتي وحشه من شيل الروث وبعد ما كانت البردعه بتاعتي بتشيل الغالي يقت بتشيل القرف. ارجوك ايها التاجر السمين المتاجر في كل ماهو غلاي وثمين احتضني وخدني عندك حمار واوعدك اخدمك ذي ما اجدادي خدموا تجار النفائس .

وبلغه الحمير رد التاجر وقال ياسلام ياحمار انت عرفت ازاي اني من تجار الذهب ؟ رد الحمار وقال هل يخفي القمر تاجر الذهب معروف من لبسه ومشيته بيلبس احسن لبس وجيوبه منفوخه بالدنانير و العالم وراه بتجري وراه ونعليه دايما نظيفه لانه بيركب فوق الخلق ويدلدل رجليه.

ياسلام اما انت حمار ذكي صحيح قلي ياحمار بتحب النسوان فرد الحمار لاياسيدي التاجر مبحبش النسوان بس ليه السؤال ده ،فرد التاجر الهمام اصلي انا بموت فيهم وبعشقهم لدرجه اني بتجوزهم وهما لسه في البيضه فرد الحمار ليه ياحضره التاجر هو انت بتحب الفراخ ؟علي الرغم من اني حمار اعرف ان  النسوان بتتولد مش بتنباض فرد التاجر العظيم اما انت صحيح حمار آيش فهمك في لغه التجار ؟ فرد الحمار صحيح انا حمار بس انت مش عارف ان الحمير ملهاش فيهم بتسئلني ليه عن النسوان؟ فرد التاجر علشان اطمئن احسن تخطف نسواني او تشتهيهم لما اسيبك في الدار .

فرد الحمار لامتخفش انا حمار صحيح بس مش للدرجه دي . ياعم مين يعرفهم ويتجوز اكثر من واحده طب كفايه علي واحده اكفيها بس بدل ماحلم اني مكفيهم وفي الحقيقه انا مليش فيهم فهمتني ياعم وياشيخ التجار. بعد اذنك انصرف وامشي احسن صحبي يدور علي اهو برضه حتي ولو كان بياع روث بهايم عمره ماعاملني كحمار وعلي الاقل بيقدر قيمه الروث وبيشيله يوديه للفلاحين ومن غيره مكنش تاجر منفوخ ذي حضرتك يستطعم اكله ويقول الله ايه الاكل الطعم ده وهو مش عارف انه بياكل روث بهايم وبيأكل اهل بيته واتباعه روث من نوع تقيل و المصيبه يمكن اني حمار بس عندي بعد نظر انت ناوي تاكل الروث وتأكله لاتباعك لاجيال فسلام ياعم احسن ابقي من اتباعك انا افضل لي استني بعقلي  حمار .