القاهرة الخانقة لعنة من السماء
بقلم جورج المصري
تخيلوا معي منظر القاهرة من نافذة
طائرة تحلق علي ارتفاع 500 متر فـوقهـا . العديد منكم لم تتح
لهم الفرصة لرؤية القاهرة العظمي من الجو ساعة الظهيرة في أحد
أيام الأسبوع العادية .
مهما تخيلتم فلن تتخيلوا منظر الهواء الملوث باللون الأصفر
الداكن المصحوب ببعض السحب السوداء من عوادم المصانع والسيارات .
لن تتخيلوا مدي قذارة أسطح العمارات في كل مكان بما فيها المناطق
الغنية تجد المهملات من عفش مكسر الي عشش فراخ مهجورة إلي عشش
يعيش فيها البشر إلي بقايا هدم من مباني مبنية بعيداً عن الرقابة
أو مخلفات سمح بها الحلوح المدفوع
لمفتشين البلدية ألي ترع مسدودة ألي أراضي زراعية مجرفة إلي قصور
مبنية في وسط الصحراء بها من حمامات السباحة ما يضارع اكبر
حمامات السباحة في الأندية الرياضية من
أسطبلات للخيول العربية التي قد يصل اثمانها الي ملايين
الدولارات إلي أطباق صناعية فوقها وكأنك تطير فوق وكالة ناسا
للفضاء إلي فسقيات المياه في وسط الصحراء المبنية من الرخام
الابيض الخالص إلي مدافن السيدة عائشة والأحياء فيها أكثر من
الأموات إلي تلال القمامة في جبل المقطم وأطفال حفاه وعراه
يمرحون فيها ليس للعب بل للبحث عن لقمة العيش وبعدها في وسط
صحراء مدينة نصر تجد مرة أخرى عمارات ليس لها أخر مبنية في
الصحراء دون تخطيط ودون تمييز وكل شئ لونه رصاصي أو اصفر كالح
وفجأة تطير فوق حدائق غناء قبل أن تصل إلي مصر الجديدة وبالذات
بعد تقاطع شارع الثورة مع شارع العروبة غرب شارع الميرغني تجد
الحدائق الغناء و المئات من الحرس و المتاريس حول منزل سياده
الرئيس اطال الله عمره الي ان يعاد انتخابه مره اخري ديمقراطيا
أي والله ديمقراطيا .
نهايته صورة كئيبة ملهاش نهاية
تناقضات غير عادية ناس عايشه في عشش بتموت من الجوع وناس عايشه
في قصور علي قفا الشعب بتلعب أسكواش وبترشح نفسها لفترة رئاسة
مدي الحياة . اطفال بتموت من الفقر والمرض وناس
بتموت بحسرتها من الحاجة وعالم
بتبيع بناتها للسياح العرب تحت اسم
نكاح المتعة وناس عايشه في عالم تاني ووادي فسيح من الاحلام وناس
بتتعلاج من الزكام في المانيا وغلابه واقفين علي الرصيف قدام
مستشفي ابو الريش للاطفال . أطفال محتاجة
جراحات في المخ واطفال عندها سرطان من تلوث المبيدات الممنوعة
اللي بيستوردها الخونة شلة المعلم
ومفيش دم ولا إحساس
مفيش مرؤة
مفيش نخوه
.
لوصرفت حكومة مصر نصف فلوس الحج علي البلد مش كانت الناس ممدتش ايديها
محتاجه والعالم الغلابه مابعتش اعراضها!!!
نصف مصاريف الحج نصف بليون دولار اي 500 مليون دولار اي 3000
مليون جنيه مصري في سنه واحده ... ياسيدي سنة واحدة نصف عدد
الحجاج تفوق البلد من الهم اللي راكب علي أراوح أهلها ويا سيدي
كل من تبرع بمصاريف الحج لمستشفي ابو الريش او مستشفي السرطان
للاطفال انا متأكد ان خطاياه وخطايا عائلته اللي ماتوا واللي
حيموتوا من بعده حيتغفر . ولو كانت المرؤه عندكم زيادة
شوية بالنصف
التاني ابنوا شقق للغلابه الشباب اللي داير علي حل شعره
مش عارف يتجوز وعايش عيشه الكلاب وتفوق البلد وتنتعش وياسيدي
اللي مايلحق الحج السنة دي لو مكتوب
له عمر يروح السنة اللي بعدها. كفايه خيبه وتفكير ضيق وفكروا مرة
واحدة في مصر مش انا وبس وما بعدي الطوفان . من فوق قاهرة
أولادها تصرخ مصر وتقول ارحموني من الظلم ياولادي وكفايه لغاية
امتى حتعيشوا
تستغلوني أسوأ استغلال خلاص مبقاش
فيا .