عيب ياجيمي ما تقلش لا...ادي لدادي زقه

جورج المصري

قيل أن الرئيس المنتخب ماهو إلا شوخشيخة في يد البعض، وعلي الرغم من إن اللي هو في أيدهم مش أغراب إلا أن الحقيقة بتوجع.

علي الرغم من إنني لا اتفق مع من يتهمون أسرتك بأنها أسره كان الجد فيها رجل مناكف محدود العقل هذا بالطبع كانوا بيتكلموا عن الجد العربي المتمصر أما الجد الإنجليزي اعتقد انه من الصعب أن يقولوا عليه ما قالوه علي العربي المتمصر.

بعد هذه المقدمة التي أود منها أن أؤكد لكم كل التأكيد أنني لست من أصحاب الأقلام الصفراء أو الأقلام الارزوقية التي تستجدي الدولار الملوث بالجاز أو حتي أعاير الشخص بأن جده كان حاجب محكمه أو جده التاني كان سواق عربية نقل وخاله عامل بسيط في مصنع ألبان. الحقيقة لا يضر الإنسان إطلاقا أن يكون أصله متواضع  إنما يضر الإنسان أن يكون هو وضيع في تصرفاته ويتحكم في أبوه لا اعتقد يا جيمي انك تتحكم فيه إنما هذا بحكم العادة الراجل لما يكبر بيسيب الدكان لأولاده بس المرة دي الدكانة هي مصر وشعبها وثرواتها والاهم من كل ده مستقبلها الاجتماعي بين يديك . مش عيب أبدا انك تكون الرئيس الفعلي أهلا ومرحبا بأبن الراجل الكبير بس يا جيمي هذه فرصتك الأخيرة للإصلاح الاجتماعي اللي لمؤاخذه أبوك الراجل الكبير خربه من ماشيه مع أصدقاء السوء من أول الملك المتوج حديثا إلي مورد الرقاصات و الملاح لأهل الدولار المزيت وتابعه قفه ومعاهم في الزفة سيادة اللواء اللي الست حرمه مطلعه البلاء و البلا علي جتته وهو مطلع بلاويه علي الشعب الغلبان.

تعالي نشوف تقدر تعمل إيه للرئيس المنتخب وقبل ما تحاول تعمل حاجه لازم تكون أنت كمان منتخب يعني يا جيمي لازم تدخل انتخابات مجلس الشعب عن دائرة مصر الجديدة ماهو برضه أنت منها وهي منك وعلي الأقل أصحابنا بتوع نادي الطيران و الجلاء والشمس ويمكن هيليوبوليس يفرحوا لما يشوفوا إن فيه أمل من شباب النوادي انه يكون شباب ناهض، علي كل حال أنكل الجمسي كان بيحب الكروكيه في هيليوبوليس ودادي قفل له بقه في أخر أيامه لأنه كان بيسمعه وهو في حجره النوم وهو جايب في سيرته في أواخر أيامه.