أهو ده اللي صار و اللي كان ملكش حق تلوم عليَّ  

 جورج المصري

قالها الشيخ سيد درويش من قلبه ومن معانيها الكثير قال:

مصر يأم العجايب شعبك أصيل و الخصم عايب!!!  خلي بالك من الحبابيب دول أنصار القضية!!!  وبدال مايشمت فينا حاسد إيدك في إيدي قوم نجاهد وإحنا نبقي الكل في واحد والأيادي تصير قوية.

ياسلام يا شيخ سيد درويش لولا إن أسم مصر أجمل أسم في الوجود كنت سميت مصر علي أسمك يا مصري يا أغلي مصري من قلبك غنيت ومن قلبك لحنت وكلمات أغانيك بتدوي لليوم وما في حد بيسمع ... يا تري يا شيخ سيد مين هم الحبايب أنصار القضيه ... فعلا شمتت الدنيا فينا وإتفرقت الأيادي ومبقاش الكل واحد ...

أنا المصري كريم العنصرين بنيت المجد بين الأهرامين ...

جدودي أنشاؤا العلم العجيب  ومجري النيل في الوادي الخصيب ...

ليهم في الدنيا الآف السنين ويفني الكون وهما موجودين!!!

يا مصر خلي بالك من أنصار القضية وزي ما قال الشيخ سيد درويش الدنيا تفني والأقباط على الساحة موجودين.

ياتري زيارة كارين هيوز مساعدة وزيرة الخارجية الأمريكية للشئون الدبلوماسية للبابا شنودة بالمقر البابوى بالعباسية و ولقائها  مع شيخ الأزهر أمس الأول و إلتقت أيضا مع أحمد نظيف رئيس الوزراء المصرى.  و بيتهيأ لي ، أصل التهيؤات اليومين دول بتصير واقع ، هل سبب هذه  الزيارة سببها المؤتمر القبطي المزعم إقامته في العاصمة الأمريكية الشهر القادم؟  

بدون أدني شك الحكاية سياسية دينية بدليل أن السيدة كارين المتخصصة في تلك المسائل تتزامن زيارتها  مع الحملة التصعيدية من مؤتمر الأقباط والأصرار علي فضح التصرفات المشينة للسلطة التنفيذية و السلطة القضائية بالأدلة المصورة و بالصوت و بالصورة  في مصر ضد الأقباط.  

يا مصر يأم العجايب...