طباعة الصفحةكل بنت
مينا مجدي |
2013-09-08 08:05:23
"مينا مجدي"
كل بنت وفيها "ماما"
بس بتبان من زمان
ف العروسه اللي ف إيديها
لما تحضنها بحنان
وللا ف الدبدوب بتاعها
اللي بينام جنب منها
وللا ف الفرحه اللي بتنور ف عينها
لما بتشوف أي نونو
فجأه تتشد لسيادته
زي ما تكون هي مامته
فجأه تحلم إمتي هتكون بس حامل !
فجأه تضحك من سكات
حتي لو حبت حبيبها
إحتمال بتحبه حب الأمهات
غيره أوفر
زائد الحنيه والخوف بالساعات
الأمومه دي حاجه أكبر من خيالك
خاصه جدآ بالبنات !
جميع الحقوق محفوظة للأقباط متحدون © 2004 - 2011 www.copts-united.com