من غير مبرر

| 2013-10-20 08:14:37

مينا مجدى

من غير مبرر قالها : لازم أغيب

انا مش بتاعك كل شئ قسمه ونصيب

وزي يعني ما جالنا يوم حبينا بعض

اهو جالنا يوم علشان نسيب

ردت عليه وقالتله ليه

طب بس قوللي عملت ايه

ده انا عمري ما ارتحت الا بيك

ولا لحظه قلبك جيت عليه

يا حبيبي بتحايل عليك

خليك معايا ابوس ايديك

وبرضه سابها وساب عينيها بتندهه

ولا دمعه واحده يومها فرت من عينيه

ولما فاق من وهمه كانت مش هنا

مبقتش ليه

ولما فعلآ نسيتوا ..

هو اللي كان جدآ فاكرها

حس انه خلاص خسرها

لما عاشت حب تاني

ولما جرب حضن غيرها !

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع